O Concello de Oroso abre a inscrición no Summer Camp 2017, para nenos/as de 3 a 12 anos e con posibilidade todo tipo de horarios.
Esta edición incluirá moitas novidades como brigadas junior, equipo de reporteiros e actividades de emprendemento e liderado.
O Concello de Oroso vén de abrir o prazo de inscrición no Summer Camp 2017, que desenvolverá en colaboración con Escuela con Talento. O Summer Camp é un programa de conciliación familiar no que nenos e nenas de 3 a 12 anos poderán ocupar o seu tempo de lecer estival ao tempo que aprenden inglés.
Ademais das tradicionais actividades lúdicas, xogos, manualidades, saídas urbanas e técnicas de comunicación, sempre na lingua de Shakespeare, nesta edición do Summer Camp haberá moitas novidades: brigadas junior, equipo de reporteiros, actividades de emprendemento e liderado...
Horarios
O Summer Camp ofrece catro quendas, permitindo que o neno/a participe en todas, en varias delas ou incluso en ningunha, pois tamén está contemplado a posibilidade de utilizar o servizo en días soltos. Os dous horarios iniciais son: de 07.30 a 15.30 horas e de 09.00 a 14.00 horas, aínda que existe a posibilidade de establecer outros horarios se así o deciden as familias participantes.
No tocante aos prezos das quendas, a quenda do 26 ao 30 de xuño é de 40 euros (entre as 07.30 e as 15.30 horas) e 25 euros (de 09.00 a 14.00 horas). No caso dos meses de xullo e agosto, cada quincena teñen un prezo de 65 (de 07.30 a 15.30 horas) e de 45 euros (de 09.00 a 14.00 horas). No caso da quenda de setembro, entre os días 1 e 8, os prezos serán de 50 euros (entre as 07.30 e as 15.30 horas) e 35 euros (de 09.00 a 14.00 horas). Existe tamén a posibilidade de solicitar días soltos e contratar servizos complementarios coma os de almorzo (2 €/día), xantar (5 €/día) e merenda (3 €/día).
Para participar neste programa cómpre formalizar unha inscrición previa no Centro Cultural Casas e Novoa (Sigüeiro) ou ben chamando ao teléfono 981 690 903. Tamén se poden facer as reservas de praza na Escuela Con Talento, presencialmente ou a través dos teléfonos 881 981 905 / 604 002 616.
