Reforma da antiga pista de squash
O Concello de Oroso rematou as obras de reforma e acondicionamento da antiga pista de squash do centro deportivo Juanito Amigo de Sigüeiro.
Tras os traballos, os clubs deportivos e a veciñanza en xeral gañan un novo espazo multidisciplinar, no que se poderán realizar diferentes actividades.
Ademais de varios deportes os clases de ximnasia, o espazo tamén poderá acoller actividades culturais ou de entidades sociais.
Con esta actuación, a Concellería de Deportes continúa co seu plan de reforma e mantemento de todas as instalacións, co obxectivo de sacarlles o máximo proveito e poñelas a 1disposición da veciñanza.
