O Centro de Saúde de Sigüeiro exhibe 70 obras artísticas do certame GóisOrosoArte ata o día 30
O Centro de Saúde de Sigüeiro acolle desde hoxe e ata
o vindeiro día 30 de setembro a exposición das 70 obras artísticas seleccionadas na
nova edición do certame “GóisOrosoArte”, impulsado polo Concello de Oroso e
Cámara Municipal de Góis (Portugal) para formentar a creatividade artística.
A mostra, que xa se exhibiu na localidade portuguesa durante o pasado mes de xullo,
inaugurouse na tarde onte en Sigüeiro nun acto que contou coa presenza do rexedor
local, Luis Rey, e o seu homólogo de Góis, António Rui de Sousa Godinho Sampaio,
ademais doutros membros da Corporación Municipal, algúns artistas participantes e
unha nutrida presenza de veciños.
Na súa intervención, o rexedor local destacou a “boa saúde” desta iniciativa cultural,
que cualificou como “o mellor froito do irmandamento do Concello de Oroso coa
localidade portuguesa de Góis”, e comprometeu a implicación do goberno orosano
para “seguir a potencialo nas vindeiras edicións”.
