Preto de 200 persoas participaron nos cursos de natación na piscina municipal de Oroso.
Preto de duascentas persoas participaron nos cursos de natación que se desenvolveron durante o mes de xullo na piscina municipal de Oroso. A maior parte, uns 180 corresponderon ás clases infantís, para nenos e nenas de entre catro e dezaseis anos de idade. Nos cursos para persoas adultas participaron quince persoas.
O alcalde de Oroso, Manuel Mirás, así como a concelleira responsable da Piscina Municipal, María del Carmen Liste, e o concelleiro de Urbanismo e Territorio, Antonio Leira, acudiron ao acto de clausura dos cursos. As persoas participantes recibiron cadanseu diploma acreditativo, ademais dunha bolsa de caramelos para cada neno ou nena.
