Programa Tech Kids 2020: Campamento tecnolóxico “Constrúe na Casa”
A Aula de formación EducaOroso informa da apertura para a inscrición no Programa Tech Kids 2020: Campamento tecnolóxico “Constrúe na Casa”. Uns talleres formativos online de Robótica, Creación de Apps, Videoxogos, Animación 2D e 3D e moito máis.
Os talleres de formativos desenvolveranse entre o xoves 30 de xullo e o mércores 9 de setembro de 2020.
A Programación deste ano está marcada pola presencia da Covid-19 polo que todas as actividades se desenvolverán de xeito online desde os fogares dos rapaces, tendo preferencia de inscrición todos os usuari@s das aulas da Rede CeMIT e empregarase o criterio de orde de chegada das solicitudes para asignar as prazas.
Xúntase o folleto do Programa coa información das actividades propostas. Todas as actividades van destinadas a nen@s a partir de 6 anos sen necesidade de ter coñecementos previos nas materias a tratar:
1. Gamer Tech_ “Soña, deseña e crea videoxogos incribles”.
o Primeiro ciclo de primaria: Os xoves, de 10:30 a 13:30 horas.
o Segundo ciclo de primaria: Os martes, de 10:30 a 13:30 horas.
2. Robo Tech_ “Se che gustan os retos, os desafíos e a robótica este é o teu campamento”.
o Primeiro ciclo de primaria: Os luns, de 10:30 a 13:30 horas.
o Segundo ciclo de primaria: Os martes, de 10:30 a 13:30 horas.
o Secundaria: Os mércores, de 10:30 a 13:30 horas.
3. App Tech_ “Sorprende a tod@s creando a túa propia App”.
o Secundaria: Os mércores, de 10:30 a 13:30 horas.
o Segundo ciclo de primaria: Os venres, de 10:30 a 13:30 horas.
4. Compu Tech_ “Aprende todo o necesario para os teus traballos de clase”.
o Primeiro ciclo de primaria: Os xoves, de 10:30 a 13:30 horas.
o Segundo ciclo de primaria: Os venres, de 10:30 a 13:30 horas.
5. Minecraft Tech_”Se o que che gusta é o Minecraft esta é a túa oportunidade”.
o Primeiro ciclo de primaria: Os luns, de 10:30 a 13:30 horas.
As persoas interesadas poderán inscribirse aquí.
O prazo de inscrición remata o vindeiro luns día 27 de xullo ás 12:00 horas e os grupos realizaranse cun máximo de 20 alumn@s. Os usuari@s interesados en participar, poderán inscribirse a varias actividades en función do seu curso escolar e sempre e cando non coincidan no mesmo día.
