Día de Rosalía de Castro
24 de Febreiro Día de Rosalía de Castro, Dende a Concellería de Mulleres,Ensino e Benestar Social, agradecer a todos os establecementos que tiveron a ben colaborar na campaña 100 de 100, Cen poemas en Oroso, que estarán expostos ata o día 28 de Febreiro.
Tecín soia a miña tea. Rosalía de Castro
Tecín soia a miña tea,
sembrei soia o meu nabal,
soia vou por leña ó monte,
soia a vexo arder no lar.
Nin na fonte nin no prado,
así morra coa carrax,
el non ha de virm'a erguer,
el xa non me pousará.
¡Que tristeza! O vento soa,
canta o grilo ó seu compás...
Ferve o pote... mais, meu caldo,
soíña t'hei de cear.
Cala, rula, os teus arrulos
ganas de morrer me dan;
cala, grilo, que si cantas,
sinto negras soïdás.
O meu homiño perdeuse,
ninguén sabe en onde vai...
Anduriña que pasache
con el as ondas do mar;
anduriña, voa, voa,
ven e dime ond'está.
Follas Novas (1880)
