Lamento polo triste suceso desta mañá en Sigüeiro
O Concello de Oroso lamenta o triste suceso ocurrido esta mañá en Sigüeiro, cun incendio nunha vivenda que provocou o pasamento dunha persoa e o traslado de outra persoa ferida ao CHUS de Santiago.
O incendio provocou o desaloxo do resto das vivendas do edificio. O concello está pendente da volta aos seus inmobles dos veciños afectados e, no caso de non ser posible nas próximas horas, deberán ser reubicados.
O concello quere agradecer o traballo da Policía Local, Protección Civil, Bombeiros, Guardia Civil e persoal sanitario do centro de saúde.
O Concello de Oroso estará en contacto permanente nas próximas horas coas forzas de seguridade, poñéndose á súa disposición para darlle toda a información que demanden para esclarecer os feitos.
Desde o concello, lamentamos unha vez máis o acontecido e lle transmitimos o noso máis sentido pésame aos familiares e achegados da vítima. DEP
