Prevención das situacións de risco de exclusión social
O alcalde do Concello de Oroso, Manuel Mirás, asinou un convenio de colaboración coa Obra Social La Caixa, a través da entidade Igaxes, para poñer en marcha unha serie de actividades (programa Aleida) que permitan afrontar situacións de risco de exclusión social para a poboación xuvenil dende a óptica da prevención.
O obxectivo principal é favorecer o proceso de integración escolar, familiar, social e laboral, para o cal as actividades adaptaránse ás necesidades e características individuais. Este programa Aleida levaráse a cabo no IES de Oroso.
O programa Aleida consiste nunha intervención transversal que pasa das aulas ás familias, co obxectivo de previr a exclusión social dos mozos e mozas.
Os traballadores sociais de Igaxes detectan os casos máis proclives á conflitividade social, como paso previo ao inicio das tutorías individualizadas.