Primavera no Camiño Inglés
O próximo día 4 de xuño, sábado, celebrarase na Alameda de Góis en Sigüeiro a feira “Primavera no Camiño Inglés” en horario de 11 da mañá ata as 8 da tarde.
APRAZADO ao 12 de xuño por mor da climatoloxía adversa prevista para o 4 de xuño.
A iniciativa, organizada pola Asociación de Municipios do Camiño Inglés e a Deputación da Coruña, busca poñer en valor os numerosos atractivos que presenta o Camiño Inglés a nivel patrimonial, cultural, paisaxístico e gastronómico a través de exposicións, talleres, showcookings, música e outras actividades.
Anteriormente celebrouse noutros municipios como Betanzos, Pontedeume ou Ferrol, e nesta edición Oroso será o concello anfitrión.
A entrada, actividades e os obradoiros para nenos serán gratuítas.
