Información da Alcaldía pola apertura de terrazas en Oroso
Compartimos con toda a veciñanza un bando informativo do alcalde de Oroso, Manuel Mirás Franqueira, coas normas sobre a apertura ao público de terrazas ao aire libre por mandato das autoridades sanitarias.
A evolución da pandemia é moi boa en Oroso grazas ao bo comportamento de todos, pero debemos manter a prudencia e cumprir todas as recomendacións, co obxectivo de evitar posibles repuntes.
Polo ben de todos, é importante que clientes, empregados e propietarios de establecementos cumpran e fagan cumprir as normas sanitarias.
Xa queda menos para librarnos desta pandemia, e coa colaboración de todos e todas sairemos antes. Canto mellor o fagamos, antes sairemos.
GRAZAS POLA VOSA COLABORACIÓN!
