Aberta a inscrición para participar no programa Galeuropa.
A Mancomunidade dispón de 20 mobilidades para mozos e mozas de entre 18 e 30 anos a Reino Unido, Italia e Portugal. Inclúense prácticas en empresas e asesoramento lingüístico personalizado. O prazo de solicitude rematará o vindeiro 4 de agosto.
A Mancomunidade de Ordes abre o prazo dende este venres 21 de xullo ata o vindeiro 4 de agosto o prazo para inscribirse no Programa Mobilidade Transnacional Xuvenil Galeuropa 2017. En total ofértanse 20 prazas para mozos e mozas entre os 18 e os 30 anos para estancias de dous meses en Italia (5), Reino Unido (10) e Portugal (5), tendo cubertos todos os gastos relacionados co desprazamento, a manutención e o aloxamento. Inclúense tamén prácticas en empresas de diversos sectores e apoio lingüístico personalizado.
A ficha de inscrición deberá entregarse no Rexistro Xeral da Mancomunidade de Ordes, achegando toda a documentación que establecen as bases. Entre os requisitos esixidos figura a necesidade de estar inscrito no Sistema Nacional de Garantía Xuvenil no ámbito da Comunidade Autónoma. Outros criterios de puntuación serán o empadroamento nalgún dos municipios da comarca, a idade, os resultados do test de motivación que se deberá completar, estar en risco de exclusión social ou ser muller vítima de malos tratos. O dito documento poderá obterse na páxina web da Mancomunidade (http://www.mancomunidadeordes.gal/servicios/galeuropa-2017-7009.html).
