subscricion Subscricións novas rss Novas RSS contacto Contacto

Animación á Lectura.


No ano 2006 no concello de Oroso comezamos a dar os primeiros pasos na “Campaña de Animación á Lectura”, entendendo a animación á lectura como aquela actividade, ou conxunto de actividades, encamiñadas a espertar nos nenos/as, a curiosidade e o desexo de ler, incluso antes de saber ler, para tratar de tender pontes entre o neno e o libro. Tratamos de fomentar a lectura desde as primeiras idades, nunca desde a imposición, senón desde o afecto e o xogo. Trátase de desenvolver actividades que estimulen a curiosidade dos nenos/as cara ao libro, para que poidan descubrir a riqueza que estes encerran.

Obxectivos

  • Fomentar o pracer pola lectura.
  • Espertar a imaxinación e a fantasía do/a neno/a, ao introducilo/la en mundos fantásticos ou reais, case sempre descoñecidos.
  • Enriquecer o vocabulario, favorecendo a expresión e a compresión oral así como a expresión escrita.
  • Mellorar a elocución do/a neno/a.
  • Favorecer a conversación e a comprensión.
  • Adquirir novos coñecementos.

A campaña de animación á lectura lévase a cabo durante o curso académico, de outubro a maio, na Biblioteca Municipal, situada no Centro Cultural Fernando Casas e Novoa.

Programación mes de Xaneiro

  • Contos e Obradoiros "Animaliños": sábados 9, 16, 23 e 30 ás 11:00 horas
  • A rebotica dos contos "Que é, que será?": venres 29 ás 18:00 horas
  • Club da lectura "En busca do libro perdido": venres 22 ás 18:00 horas
  • Club da lectura Adultos: todos os martes de 19:00 a 21:00 horas

Actividades

CONTACONTOS
Todos os sábados ás 11:00h. un contacontos acode puntualmente á sala infantil da biblioteca municipal para ofrecerlles aos nenos e nenas as marabillosas historias que agachan os contos. As historias que se contan en cada sesión están extraídas dalgúns dos libros cos que conta a biblioteca. As sesións teñen una duración de 1h30min aprox. e están divididas en dúas partes; a primera consiste na narración oral dun conto e a segunda consiste nunha actividade relacionada co conto que acabamos de escoitar. A temática dos contos é mensual e sempre adaptada á época do ano ou ás celebracións na que teñen lugar. Para asisitir ao contacontos é necesario anotarse con anterioridade na propia biblioteca.



OBRADOIROS DE CREACIÓN
Os últimos venres de cada mes ás 18:00h. na sala infantil da biblioteca municipal os/as nenos/as do noso concello maiores de 4 anos, e tras a inscrición previa, poden participar na Rebotica dos contos. Trátase de obradoiros para desenvolver a mirada artística, a creatividade e o talento literario. As actividades destes talleres están orientadas non só a fomentar o gusto pola lectura dende que son pequenos, senón a desenvolver a súa faceta máis creativa, a participación directa e a relación con outros nenos e nenas. Pretendemos que o/a neno/a encontre un espazo aberto á imaxinación, no que a través de múltiples actividades descubra o pracer da lectura e a escritura.

CLUB DE LECTURA XUVENIL
Un club de lectura é un grupo de persoas que se reúnen para comentar e intercambiar opinións sobre un mesmo libro que están a ler á vez. Ler acompañado é moito máis doado e atractivo que facelo só. Un libro debe lerse só, non hai outro modo. Non obstante, a través dos clubs de lectura esa soidade rompe cando o/a lector/a se decata de que non é o/a único que o está a ler. Polo xeral, as opinións dos membros do grupo enriquecen moito a impresión inicial que cada un/unha tira lendo en solitario. O club de lectura xuvenil da nosa biblioteca municipal chámase En busca do libro perdido e reúnese os penúltimos venres de cada mes. Con este club de lectura pretendemos conseguir que os/as rapaces/zás de entre 9 e 12 anos se sintan máis integrados/as na biblioteca, que participen máis activamente nas actividades, que sintan a biblioteca como algo máis próximo e máis seu ao converterse en protagonistas. Non se trata de "obrigar" os/as participantes a seguir ningún patrón de intervención senón que as súas intervencións son libres, non se debe demostrar nada, xa que non se trata de formar críticos literarios senón de conseguir implantar entre a poboación xuvenil unha cultura da lectura. Neste sentido trátase, simplemente, de realizar unha lectura e poñer en común, de forma libre, o que a lectura suxeriu, os propios puntos de vista, ideas, resaltando frases, fragmentos, xulgando os personaxes,…, pero sen impoñer opinións e escoitando con respecto as achegas dos/as demais. As lecturas están acompañadas de actividades que as complementan.